社總消息
社總行動
(LSG專區) 「立法會福利事務委員會:討論整筆撥款制度」【2】

 

陳虹秀 社總權益及投訴部主任 社總IEAPS關注組

 

// 政府攪嘅「優化整筆撥款津助制度檢討專責小組」成員除咗係社署內部欽點外,佢哋負責幫手設定嘅「資料搜集問卷」內容都有兩大問題:


1) 只係預機構回應,完全忽視服務使用者、前線同工及中層管理層嘅睇法。


2) 問卷嘅最新版本,雖然有問機構有幾多交叉補貼嘅項目係得到社署批准或否決,但機構喺整筆撥款下獲批嘅項目數量,交叉補貼項目嘅人手同受益人數量及相關資料就從第一版本刪除晒。咁政府點知有幾多同工被迫要做埋額外嘢?又點知呢D工作係唔係反映現有服務不足,所以需要新增服務項目同相關人手呢?

 

專責小組似乎重覆2008年嘅覆轍。政府嘅前設係只會以優化整筆撥款津助制度為基礎而進行檢討,咁即係小修小補,甚至唔會惦核心問題,咁嘅檢討咪即係話政府每隔十年又做吓戲囉!

 

羅局長似乎做咁多嘢只係為咗應付審計報告,想透過重新定義邊D交叉補貼係相關而合理化所有交叉補貼嘅項目,唔駛驚審計署日後話有問題。//