社總消息
社總觀點
(小學輔導服務關注組)《有沒有41位建制議員聯署關心「小學輔導1+1方案」政策?》

 

之前連續幾日假期,建制議員放假不忘工作,聯署關心人民日報關心嘅事,建制議員平時成日話應該關心民生多於政治,點解咁耐都唔見佢哋關注吓「小學輔導1+1方案」呢?曲線地講句,真係唔該晒41位議員,你地既主動、積極、快速回應,如果用喺討論「小學輔導1+1方案」,咁就掂過碌䉀啦!

 

[小學輔導1+1方案]


同樣係建制派之一既工聯會,屬下嗰個乜乜社福工會,上星期都請到羅致光局長出席坐談會,佢地都關心財爺提出嘅「小學一校一社工」政策㗎。不過,其實社總一早已有清晰立場啦:保留現有輔導服務資源,1位小學社工plus1位輔導老師,咁先至work囉!

 

[建制派理爺爺唔理小學生]


41名聯署建制議員之中,陸頌雄、麥美娟和何啟明屬工聯會,理應好關心輔導人員既工作前景同待遇,服務投標制既悽涼;郭偉強本身係非學位註冊社工,你又會唔會同楊局長傾下點挽留現時非學位社工資歷嘅小學輔導人員? 葛佩帆博士就最關心教育升學,亦都應該好關心小學生既成長同輔導需要,唔駛多講啦!蔣麗芸最叻叻,係立法會教育事務委員會主席,焗住都要帶領同一陣線唧議員關注一下啩?!

 

不過,雖然係咁,但建制派似乎晒冷撐亞爺,多過去理小學輔導服務既去向。你地選擇愚人節去撐亞爺,咁今日既兒童節,你地又會唔會齊心聯署去關心小學輔導政策呢?又或者,你地究竟有幾了解小學輔導政策呢?

 

[總結]


建制派聯署反港獨,不如都聯署去反投標,反對小學輔導服務,甚至其他所有社會服務既投標制度;建制派要求革除人地嘅教職,咁不如強烈要求將小學輔導人員/社工,納入常規人手編制啦!有人話你地要人噤聲,咁你地先唔好自己噤聲,同政府講吓,幫吓班小學生啦!

 

建制議員,你地肯咁做,社總可能或者maybe好願意同你地結盟呀!